ՀՕՄ Հայաստան

«Հայրենիքի Պաշտպանի Վերականգնողական կենտրոնի հզորացում» ծրագիր

ՀՕՄ-ի Հայաստանի Շրջանային վարչությունը 2017թ․-ից ի վեր համագործակցում է զինհաշմանդամների վերականգնողական կենտրոնի հետ, որն այժմ գործում է «Զինվորի Տուն» անունով և տեղակայված է Հերացու թիվ 1 հիվանդանոցային համալիրի մասնաշենքում։ Կենտրոնը զինհաշմանդամների համար Հայաստանում առաջին մասնագիտացված վերականգնողական կենտրոնն է, որտեղ առողջական խնդիրներից բացի լուծվում են նաև զինհաշմանդամների սոցիալական ինտեգրման, կրթության և աշխատանքի հարցերը: 2018 թվականի փետրվարից առ այսօր ՀՕՄ-ի աշխարհասփյուռ միավորների կողմից կազմակերպված դրամահավաքի միջոցով աջակցություն է տրամադրվում կենտրոնի ծրագրերի իրականացմանը: ՀՕՄ-ի Կենտրոնական Վարչության և աշխարհասփյուռ միավորների համատեղ ջանքերով ամբողջությամբ կահավորվել է վերականգնողական կենտրոնի երրորդ հարկը, տեղադրվել է հակահրդեհային ահազանգման համակարգ, բուժքրոջ կանչի և տեսահսկման համակարգ, օդափոխության և ջեռուցման համակարգեր, կարգավորվող բարձրությամբ ֆունկցիոնալ բժշկական մահճակալներ: Գնվել են հիվանդասենյակների համար անհրաժեշտ լամինատե կահույք, զգեստապահարաններ, անկյունային կախովի դարակներ, հեռուստացույցի տակի պահարաններ, բժշկական փայտե տափչաններ և այլ պարագաներ: Կենտրոնին նվիրաբերվել է նաև Մերսեդես մակնիշի միկրոավտոբուս, որի օգնությամբ կազմակերպվում է կենտրոնում բուժվող վիրավոր զինվորների տեղափոխումը:

Երկրաշարժ Սիրիայում և հարակից տարածքներում

2023 թվականի փետրվարի 6-ին Սիրիայում և հարակից տարածքներում տեղի ունեցած ավերիչ երկրաշարժից տուժած մեր հայրենակիցներին աջակցելու համար ՀՕՄ-ի Հայաստանի Շրջանային Վարչությունը մոտ 5 տոննա պարենամթերք է տրամադրել Հայաստանում Սիրիայի Արաբական Հանրապետության դեսպանատանը։

Աջակցություն Կանաչուտ համայնքի մանկապարտեզին

2022 թվականի փետրվարին տեր և տիկ. Բյուզանդ և Նեկտար Շէօմելյանների զավակների հովանավորությամբ իրականացվել է Արարատի մարզի Կանաչուտ գյուղի մանկապարտեզի աջակցության ծրագիրը։ Մանկապարտեզի համար գնվել է անհրաժեշտ կահույք՝ սեղաններ, աթոռներ, պահարաններ, ուսուցչական սեղան և անկողնային ծածկոցներ, կենցաղային տեխնիկա։ Մանկապարտեզի խոհանոցի համար գնվել է նոր հարմարավետ գազօջախ և խոհանոցային պահարաններ։ Մարզադահլիճի համար գնվել է գորգ, որտեղ երեխաները անցկացնում են սպորտային մարզումներ։

Աջակցություն Բեյրութի նավահանգստում պայթյունից տուժած բնակիչներին

Բեյրութում տեղի ունեցած պայթյունի հետևանքով ահռելի նյութական վնասները չեզոքացնելու և տուժածներին աջակցություն ցուցաբերելու նպատակով «ՄԻԱՑԵ՛Ք ՀՕՄ-ին, ՓՐԿԵ՛Ք ԿՅԱՆՔԵՐ» դրամահավաքի շրջանակում Հայ Օգնության Միության Հայաստանը իր աջակցությունն է ցուցաբերել Լիբանանի Օգնության Խաչին՝

Ձեռարվեստի դասընթացներ

Հայ Օգնության Միությունը, արժևորելով մշակութային ժառանգության պահմանման խնդրի արդիականությունը և նպատակ հետապնդելով պահպանել, զարգացնել ու տարածել մեզ հասած հնագույն հայկական ձեռարվեստը, 2015 թվականից սկսած Ձեռարվեստի հանձնախմբի միջոցով իրականացնում է դասընթացներ՝
• ասեղնագործություն
• ուլունքագործություն
• կարպետագործություն
• գորգագործություն
• մանրանկարչություն
Դասընթացների մասնակիցները ստանում են հավաստագիր։

«Ինտեգրված աջակցություն գյուղական համայնքների զարգացմանը. համայնքների դիմակայության ամրապնդումը» ծրագիր

2016թ. Հայ Օգնության Միությունը` համագործակցաբար Միավորված Ազգերի Զարգացման Ծրագրի /UNDP/, ՀՀ տարածքային կառավարման և արտակարգ իրավիճակների նախարարության, իրականացնում է Տավուշի մարզի սահմանամերձ համայնքների զարգացման ծրագիր, որի շրջանակում իրականացվելու է առնվազն 90 ջերմատների կառուցումը: ՀՕՄ-ն իր համաֆինանսավորման շրջա¬նակ¬¬ում ապահովել է 30 ջերմատներում կաթիլային ոռոգման համակարգերի տեղադրումը:

«Սահմանապահ և սահմանամերձ գյուղերի օժանդակություն» ծրագիր

2014 թվականից ՀՕՄ-ի Հայաստանի միավորը ՀՀ Տավուշի և Վայոց Ձորի մարզերի սահմանամերձ համայնքներում իրականացնում է համայնքային զարգացման ծրագրեր:
Բաղանիս համայնք - համայնքն ապահովվել է ինքնահոս ոռոգման ջրով, որի արդյունքում 40 հա վարելահող ունեցավ ոռոգման մշտական ջուր:
Բարեկամավան համայնք - համայնքում իրականացվել է 3000 մետր ճանապարհի խճապատում, դպրոցի վերանորոգում:
Դիտավան համայնք - համայնքում իրականացվել է խմելու ջրի համակարգի կառուցման աշխատանքներ:
Բերքաբեր համայնք- համայնքում կատարվել է խմելու ջրի համակարգի կառուցման աշխատանքներ:
Սևքար համայնք - վերանորոգվել է համայնքի դպրոցի գրադարանը, գույքով է ապահովվել գրադարանն ու ճաշարանը:
Բարձրունի համայնք - գյուղում ամբողջովին նորոգվել է դպրոցի սանհանգույցը:
Խաչիկ համայնք - վերանորոգվել է գյուղի դպրոցի նախակրթարանը և բուժկետը:
Չինարի համայնք - վերանորոգվել է մանկապարտեզի սանհանգույցը, ձեռք է բերվել սպիտակեղեն և գույք
Բանջարեղենի սերմեր – ՀՀ բոլոր մարզերի բնակչությանը տրամադրվել են բանջարեղենի սերմեր (1996-1998թթ.):
Ջրատարի կառուցում – ՄԱԿ-ի սննդի ծրագրի և Փախստականների խորհրդի օժանդակությամբ Լոռու մարզի Արջուտ գյուղում կառուցվել է 5կմ երկարությամբ ջրատար (1997թ.):
Վանաձորի բնապահպանական ծրագիր – Լոռու մարզի Վանաձոր քաղաքում իրականացվել են զբոսայգիների, հրապարակների կանաչապատում, ծառատունկ և սանիտարական մաքրման աշխատանքներ (1997թ.):

«Աջակցություն շրջանառու միգրացիային և վերաինտեգրմանը Հայաստանում» ծրագիր

2013-2015թթ. Հայ Օգնության Միությունը «Մարդը կարիքի մեջ» չեխական կազմակերպության հայաստանյան ներկայացուցչության հետ համատեղ, Եվրոպական միության ֆինանսավորմամբ իրականացրել է միգրանտների աջակցության ծրագիր: Ծրագրի շրջանակում Արտաշատում, Արմավիրում, Վայքում, Գորիսում հիմնվել են միգրացիոն ռեսուրս կենտրոններ և խորհրդատվություն է տրամադրվել ավելի քան 2400 շահառուի, միգրանտներին հատկացվել են փոքր բիզնեսի ծրագրեր:

«Տաք ճաշ» ծրագիր

2012 թվականից ՀՕՄ-ի Կենտրոնական վարչության նախաձեռնությամբ և ՍՕԽ-ի Շրջանային Վարչության գործակցությամբ գործադրվել է «Տաք ճաշ» ծրագիրը, որի նպատակն է Սիրիայում իրականացնել մեկօրյա սննդի ծրագիր կարիքավոր ընտանիքների համար: ՀՕՄ-ի Հայաստանի միավորը աջակցել է ծրագրի իրագործմանը: