«Լավագույն ուսուցիչ» ծրագիր

1993 - 1996թթ.-ին իրականացվել է «Լավագույն ուսուցիչ» մրցանակաբաշխությունը, որի շրջանակում խրախուսական մրցանակ է ստացել հանրապետության 125 ուսուցիչ:

ՀՕՄ-ի Կրթաթոշակ

ՀՕՄ-ի կրթաթոշակի ֆոնդը ստեղծվել է 1983 թվականին, ընդգրկում է «Երեմյան», «Ճիզմաճյան», «Պաղտոյան», «Պալունյան», «Գալայճյան» ֆոնդերը: Ծրագրի նպատակն է խթանել երիտասարդ մասնագետների պատրաստման գործընթացը, որոնք ուսումը ավարտելուց հետո կներդնեն իրենց մասնագիտական կարողությունները ի նպաստ հայ ժողովրդի բարօրության: Յուրաքանչյուր տարի ծրագրում Հայաստանից ընդգրկվում է 2 ուսանող:

ՀՕՄ-ի «Նիկոլ Աղբալյան» վարժարան

1990թ.-ից Ախուրյան համայնքում գործում է ՀՕՄ-ի ԱՄՆ Արևելյան ափի կողմից կառուցված Նիկոլ Աղբալյանի անվան վարժարանը, որն իր ձեռքբերումների շնորհիվ 2008թ.-ից դարձել է ավագ դպրոց՝ ՀՀ ԿԳՆ «Ախուրյանի Ն. Աղբալյանի անվան ավագ դպրոց» ՊՈԱԿ: 2010թ. ՀՕՄ-ի ԱՄՆ Արևելյան ափի և «ԿԱԶԱ» շվեյցարական մարդասիրական հիմնադրամի համաֆինանսավորմամբ կառուցվել և արդիական գույքով է ապահովվել դպրոցի երկրորդ մասնաշենքը: Կրթօջախը Ախուրյանի տարածաշրջանի /34 բնակավայր/ միակ ավագ դպրոցն է, որի շրջանավարտների 80%-ը իրենց կրթությունը շարունակում են հանրապետության և արտերկրի տարբեր բարձրագույն ուսումնական հաստատություններում: Դպրոցում սովորող 102 աշակերտից 40%-ը սոցիալապես անապահով ընտանիքի երեխաներ են:

«Երբ գալիս է սեպտեմբերը» ծրագիր

2002-2007թթ.-ը Հայ Օգնության Միությունը՝ գործընկերությամբ ՀՀ աշխատանքի և սոցիալական հարցերի նախարարության, իրականացրել է «Երբ գալիս է սեպտեմբերը» ծրագիրը: Ծրագրի շրջանակում Հայաստանի տարբեր մարզերի բազմազավակ անապահով ընտանիքների 10.900 երեխա ապահովվել են դպրոցական պայուսակով, գրենական պիտույքներով և հագուստով:

«Սեպտեմբերի 1» ծրագիր

2016թ. սեպտեմբերին Տավուշի և Վայոց Ձորի մարզերի սահմանամերձ Դիտավան, Հովք, Ոսկեպար, Ոսկևան, Ջուջևան, Բաղանիս, Սևքար, Խաչիկ, Բարձրունի, Խնձորուտ համայնքների տարրական դասարանների աշակերտներին տրամադրվել են գրենական պիտույքներ։

Հասցե

Հայաստան, Երևան 0001, Չարենցի 20 փ․, բն․ 4

ars@arsarmenia.org

+37477567513

© Copyright | ArsArmenia 2023.